Blómstraðu

Markmið fyrirlestrarins er að fólk átti sig á hvernig það getur breytt sinni hugsun og hegðun til að lifa góðu lífi. Fyrirlesturinn fjallar um hvað hamingja er, hvað einkennir hamingjusamt fólk í lífinu og sannreyndar aðferðir til að auka hana í daglegu lífi. Þeir sem sitja fyrirlesturinn fá sent verkefnarhefti til að hagnýta inngripin sem Beggi talar um. Rannsóknir sýna að aukin vellíðan bætir afkastagetu, samskipti og frammistöðu í vinnu. Þessi fyrirlestur er sérstaklega áætlaður fyrirtækjum, stofnunum og félagshópum (18 ára og uppúr).


7 einkenni alvöru liðsmanna

Í liði eru allir að stefna að sama markmiði og því eiga allir að vinna saman að því að draga það besta úr hvor öðru en ekki vinna á móti hvor öðru. Markmið fyrirlestrarins er að einstaklingar verði meðvitaðari um mikilvægi þess að vera alvöru liðsmaður á ýmsum sviðum lífsins eins og í vinnu, fjölskyldu, íþróttaliði, vinhóp og æfingarhóp. Beggi hefur mikla reynslu úr íþróttum. Hann hefur upplifað bæði góða og slæma liðsheild og hefur því sterkar skoðanir á hvað einkennir góðan liðsmann.

Með því að sitja fyrirlesturinn geta einstaklingar hagnýtt verkfæri til þess að verða betri liðsmenn í lífinu og þar að leiðandi náð betri árangri með meiri ánægju í því sem er tekið sér fyrir hendur. Frábær fyrirlestur fyrir fyrirtæki, stofnanir íþróttafélög, félags-, æfingar- og vinahópa á öllum aldri.


LÍFSREGLURNAR 6

Undanfarin ár hefur Beggi verið að reyna kortleggja hvað einkennir gott og merkingarfullt líf. Lífið er krefjandi verkefni þar sem það breytist á ógnarhraða og er fullt af erfiðleikum og áskorunum. Beggi Ólafs segir frá 6 Lífsreglum sem einstaklingar geta tamið sér til að bæta sig og að takast á við erfiðleika í lífinu. Reglurnar eru góð verkfæri til að hjálpa einstaklingum að færast nær því að lifa lífinu sem þeir vilja. Fyrirlesturinn hentar öllum fyrirtækjum, viðburðum, skólum stofnunum, félögum og félagshópum.

uppfylltu þína möguleika

Markmið fyrirlestrarins er að kveikja á þeirri hugsun hjá einstaklingum að það er í þeirra valdi að gera það sem þeir vilja í lífinu og ná árangri í því sem þeir taka sér fyrir hendur. Fyrirlesturinn fjallar um hagnýtar og ákjósanlegar leiðir til að fatta hvað maður vill ásamt yfirferð yfir þætti sem ber að hafa í huga til að ná árangri og um leið líða vel í lífinu. Þessi fyrirlestur er áætlaður skólum, íþróttafélögum og öðrum félagshópum (14 til 30 ára)

Beggi kom til okkar með fyrirlesturinn sinn Blómstraðu. Um 30 manns sátu fyrirlesturinn sem var bæði fagmannlegur og vel unninn. Fyrirlesturinn veitti starfsfólki innblástur, ekki einungis í tengslum við vinnu heldur einnig í einkalífi.

Af námskeiðskönnun, sem gerð var að fyrirlestrinum loknum, var ljóst að þeir sem sátu fyrirlesturinn voru mjög ánægðir með hann. Þar sagði starfsfólk meðal annars að Begga hefði tekist vel til að fanga athygli fólks í salnum, að hann hafi minnt á mikilvægi þess að vera jákvæður og að hann hafi veitt einföld ráð til þess að bæta lífsgæði.

Ég mæli hiklaust með þessum skemmtilega og gagnlega fyrirlestri.
— Þórdís Valsdóttir - Fræðslustjóri hjá Sýn
“Bergsveinn kom og hélt fyrirlesturinn sinn fyrir spennta og áhugasama körfuboltakrakka af Vesturlandi. Krakkarnir voru á aldrinum 12-16 ára og hafði ég smá áhyggjur fyrirfram af því að krakkarnir næðu að halda athygli allan tímann! Það er skemmst frá því að segja að það mátti heyra saumnál detta, Bergsveinn hélt þeim allan tímann með frábærri samskiptatækni sinni.

Innihald fyrirlestursins var krökkunum mikið umhugsunarefni margar vikur á eftir, og sum þeirra spurðu hvort við gætum fengið hann aftur sem fyrst. Ég heyrði frá foreldrum vikuna eftir fyrirlesturinn og krakkarnir voru flest öll búin að vinna heimaverkefnið um markvissa markmiðarsetningu sem að Bergsveinn lagði fyrir þau.

Ég get ekki mælt nógu mikið með Bergsveini sem fyrirlesara!”
— Hörður Unnsteinsson - Körfuboltaþjálfari

Beggi hefur meðal annars haldið fyrirlestra fyrir: