Döðlukúlur

Ég er oft spurður um hvaða nammi ég borða. Fyrir utan að fá mér dökkt súkkulaði einstaka sinnum, þá fæ ég mér ekki þetta klassíska nammi. Hinsvegar elska ég allt sem er með döðlum í. Mér finnst döðlur ekki góðar eintómar en þegar þær eru blandaðar með einhverju öðru eins og t.d. kasjúhnetum, þá finnst mér þær rosalega góðar. 

Mig langar að deila með ykkur uppskrift af döðlukúlum, mínu uppáhalds "nammi". Döðlukúlur eru ofboðslega góðar, innihalda fá innihaldsefni og eru einfaldar í bígerð. Það er algjör snilld að eiga þær til í frystinum heima til að fá sér með kaffinu, sem millimál eða í staðinn fyrir þetta klassíska nammi. Allir sem hafa smakkað þessar döðlukúlur í kringum mig eru mjög hrifinir af þeim.

Read More

Plöntufæði sem bætir þol og úthald

Meginástæða þess að ég hætti að borða kjöt og mjólkurvörur fyrir tveimur árum síðan var að plöntufæði getur haft góð áhrif á frammistöðu í íþróttum. Á þeim tíma fannst mér kolvetni vera eitur fyrir líkamann og ég borðaði ekkert nema kjúklingabringur og skyr. Frá því að ég tók út kjöt og mjólkurvörur úr mínu fæði hef ég aflað mér þekkingar um áhrif plöntufæðis á frammistöðu í íþróttum. Ég hef bæði lesið ritrýndar greinar um ávinninga plöntufæðis og rannsakað fæðið með því að prófa það á sjálfum mér.

Read More

Gaur, ertu ekki vegan? Hvernig getur þú verið svona massaður?

Ég er grænkeri (íslenskt orð yfir vegan), sem þýðir að ég borða ekki dýr né dýraafurðir. Ég er líka knattspyrnumaður, sem þýðir að ég æfi vel og reglulega, með misjöfnum áherslum.

Það er almenn trú að "íþróttamaður" og "grænkeri" fari ekki vel saman. Það er þvæla. Hinsvegar skil ég alla þá sem halda því fram, þar sem ég var einu sinni þarna megin við borðið. Mér fannst það bara óhugsandi að éta einungis grænmeti og vera íþróttamaður. Ég tel að fordómar byggi á fáfræði og ég hafði fordóma fyrir grænkerum, einfaldlega út af því að ég vissi ekki betur.

Það líður varla dagur hjá án þess að að það er spurt mig: En hvaðan færð þú prótein? Ef ég fengi 100 krónur fyrir hvert skipti sem ég fengi þessa spurningu þá ætti ég sennilega sæmilegt hús á Arnarnesinu.

Read More